Rundunar sojin saman Nijeriya, ta ce ta lalata wuraren ajiyar makaman da mayakan Boko Haram suke amfani da su a maboyarsu ta dajin Sambisa dake arewa maso gabashin kasar.

Cikin wata sanarwa da ta shiga hannun kamfanin dillancin labarai na Xinhua a jiya Laraba, kakakin rundunar Olatokunbo Adesanya, ya ce rundunar 'Operation lafiya Dole' ta gudanar da binciken sirri da na sa ido a baki daya yankin Sambisa, al'amarin da ya kai ta ga gano wajen taruwar mayakan Boko Haram.

Olatokunbo Adesanya, ya ce aikin wani mataki ne na ci gaba da ayyukan fattatakar 'yan ta'addan. (Fa'iza Mustapha)