Buratai, ya ba da wannan umarni ne a garin Bama dake shiyyar arewa maso gabashin kasar, bayan ba da lambar yabo da karin girma ga manyan jami'an sojojin kasar biyu, da kuma wasu kananan sojoji 63, sakamakon irin jajurcewar da suka nuna a cigaba da aikin da suke na fatattakan 'yan ta'adda.
Hafsan sojin ya bukaci dakarun sojin kasar da su ninka kokarin da suke yi domin cimma burin da aka sanya gaba, kana ya yi alkawarin ci gaba da kula da hakkoki da kuma jin dadin rayuwar sojojin Najeriyar.(Ahmad Fagam)
