Kafafen yada labaran kasar Libya sun rawaito cewa, mayaka masu tsattsauran ra'ayi sun hallaka sojojin kasar 5 a gabashin kasar, kana sun jikkata wasu sojojin 4 a birnin Darna dake gabashin kasar.

An kashe sojojin 3 nan take a lokacin da 'yan bindigar suka afakawa sojojin a wajen binciken ababen hawa dake kudancin Darna, kamar yadda kamfanin dillancin labaran hukumar sojin kasar ya ruwaito.

'Yan ta'addan sun kuma harbo jirgin saman yakin sojojin a Darna a ranar Asabar, kamfanin dillancin labaran ya ce, harin ya hallaka matukin jirgin da soja guda, kana ya jikkata wani sojan guda. (Ahmad Fagam)