Kungiyar kwallon kafa ta "Zebras of Botswana", ta sha kasha a hannun "Bafana Bafana" ta Afirka ta kudu da ci 2 da nema a gida, a wasan neman gurbin buga gasar cin kofin Afirka na shekarar 2018.

Kungiyoyin biyu dai sun buga wasan ne a ranar Asabar 15 ga watan nan, a filin wasa na Francistown mai nisan kilomita 430 ,arewa maso gabas daga babban birnin kasar Gaborone.

Masu masaukin bakin dai sun yi duk mai yiwuwa domin ganin sun jefa kwallo a ragar kungiyar Afirka ta kudu amma hakan ya faskara, su kuwa a nasu bangare Bafana Bafana sun jefawa 'yan Botswana kwallaye biyun ne, daya kafin hutun rabin lokaci, kana dayar bayan dawowa daga hutun rabin lokaci.(Saminu Alhassan)