Rahotanni daga kasar Sin na nuna cewa, tattalin arzikin kasar ya canza alkibla daga mai samar da kayayyakin kawa zuwa ga kara samar da kayayyakin yau da kullum da ake amfani da su a gidaje, biyo bayan karuwar bukatar irin wadannan kayayyaki a kasashen ketare.

Shahararen kamfanin nan na Bloomberg ya bayyana cewa, yanzu haka hankalin masu zuba jari a kasar ta Sin ya karkata ga sunan tambari da fasahar kere-kere maimakon sashen makamashi da kayayyaki. Inda a shekaru goman da suka gabata, kamfanonin kasar Sin suka kashe kimanin dala biliyan 139 wajen sayen albarlkatu a tsoffin kamfanonin makamashi, ko da yake lamarin ya canja a 'yan shekarun nan.

Sai dai wani rahoto na baya-bayan nan da Macro Polo na cibiyar Paulson a jami'ar Chikago ta Amurka ya fitar ya nuna cewa, an samu canji a shekarar 2014, yayin da irin wadannan kamfanoni suka mayar da hankali ga bangaren kere-kere, ciki har da fasahar yanar gizo da manhajoji, kananan na'urorin daidaita wutar lantarki, sadarwa, zirga-zirgar jiragen sama da kayayyakin wutar lantarki, maimakon tsohuwar al'adar zuba jari a bangaren makamashi. (Ibrahim Yaya)