Kasar Sin ta rage adadin kudin da ta adana a asusunta, sannan ta yi garambawul game da yawan jarin kudadenta daga asusunta na mafi karamcin kudi zuwa asusunta mai yawan kudade.
An rage kudaden rarar asusun ajiyar kasar a cikin rukunin watanni hudun farko na wannan shekara zuwa dala biliyan 18.4 daga cikin adadin farko na dala biliyan 19, kamar yadda alkaluman da hukumar kula da musayar kudade ta kasar Sin (SAFE) ta bayyana.
Hukumar SAFE ta bayyana cewa jimillar jarin hada hadar kasar Sin ya tasamma dala trillion 6.5 zuwa karshen watan Maris, kana yawan jarinta na kasashen waje ya tasamma dala biliyan 1.3 da kuma dala biliyan 392.
Kudaden basukan kasar na kasashen ketare ya kai dala trillion 4.8.
SAFE tace, alkaluman sun nuna cewa, hada hadar kasuwanci ta cikin gida ya yi matukar tasiri wajen bunkasuwar zuba jari na kasashen ketare, kana masu zuba jari daga kasashen ketare na cigaba da kara zuba hannayen jarinsu a kasar Sin.(Ahmad Fagam)
