Wasu alkaluma da babban bankin kasar Sin ya fitar a Alhamis din nan sun nuna cewa,kudaden da aka biya ta bankunan kasuwancin kasar a rubu'in farko na wannan shekara sun tasamma dala biliyan 9.3,adadin da ya karu da kaso 65.7 cikin 100 idan aka kwatanta da na shekarar da ta gabata.

Rahoton ya bayyana cewa, wannan ci gaban ba ya rasa nasaba da yawan mutanen dake amfani da wayoyin salula a kasar Sin. Bayanai na nuna cewa, ya zuwa karshen watan Afrilun wannan shekara, akwai mutane biliyan 1.35 wadanda ke amfani da wayoyin salula a kasar Sin, kuma daga cikin wannan adadi, sama da mutane biliyan 1 suna amfani da intanet.

Rahoton ya kara da cewa, kudaden da aka biya ta na'urorin masu kwakwalwa a cikin kasar ya kai Yuan biliyan11.3, karuwar kaso 8.17 cikin 100 wadda darajarta ta kai kaso 0.14 cikin 100 zuwa Yuan triliyan 658.78.

A cewar wannan rahoto, ya zuwa karshen watan Maris na wannan shekara cibiyoyin kudi na kasar Sin sun bayar da katunan banki biliyan 6.3, wato karuwar kaso 10.7 cikin 100 a kan na shekarar da ta gabata. Yayin da adadin katunan bashi da cibiyoyin suka ba da ya kai miliyan 490.(Ibrahim)