Kakakin majalisar Moloto Mothapo, ya ce Baleke Mbete ta sauya ranar kada kuri'ar ne bayan ta tuntubi jami'iyyun siyasa da dake majalisar da kuma bangaren zartaswa.
A baya, shugabar majalisar ta sanya ranar 3 ga watan Augusta a matsayin ranar da za a kada kuri'ar.
Kakakin ya kara da cewa, a lokacin da aka yi tuntuba tare da sanya ranar da aka sauya, an manta cewa akwai taron da aka shirya gudanarwa a mako.
Har ila yau, Moloto Mothapo ya kara da cewa, Baleka Mbete ta kuma sanya ranar 14 ga watan nan na Yuli, a matsayin ranar karshe da jam'iyyun siyasa za su mika hanyar da suke ganin ta fi dacewa ta kada kuri'ar, wato cikin sirri ko kuma a bayyane.
Ya ce Shugabar Majalisar za ta yanke shawara kan hanyar da ta fi dacewa ta kada kuri'ar kafin sabuwar ranar da aka sanya wato 8 ga watan Augusta. (Fa'iza Mustapha)
