Hukumar kiddidiga ta kasar Ghana, ta ce alkaluman GDP na kasar, wanda ma'uni ne na habakar tattalin arziki, ya kai kashi 6.6 cikin watanni ukun farkon shekarar nan.

Mataimakin babban jami'in hukumkar, Anthony Amuzu wanda ya sanar da haka a jiya, ya ce cikin makamancin lokacin a bara, alkaluman sun nuna cewa tattalin arzikin ya tsaya ne a kashi 4.4, a lokacin da aka samu matsalar makamashi da ta kai ga karancin samar da man fetur, al'amarin da suka yi wa tattalin arzikin kasar illa. (Fa'iza Mustapha)