Ma'aikatar tsaron cikin gida ta kasar Somaliya ta ce a kalla mutane 15 sun rasa rayukansu, wasu da dama kuma sun jikkata, sakamakon wata fashewar wasu abubuwa a cikin wata mota, a gundumar Wadajir dake birnin Mogadishu na kasar Samaliya.

Da yake tabbatar da hakan, kakakin ma'aikatar Ahmed Mohamed Mohamud, ya ce adadin wadanda harin ya hallaka na iya karuwa, duba da yadda wasu da suka ji raunuka sakamakon fashewar ta yau Talata ke cikin matsanancin yanayi. (Saminu Hassan)