Hukumar kiyaye tsaro ta kasar Somalia ta bayyana cewa, sojojin kiyaye tsaro na kasar sun janye daga kawanyar da suka yiwa maharani da suka kai hari a wani dakin cin abinci a Mogadishu, babban birnin kasar bayan da suka harbe dukkan maharan guda shida har lahira.

Kakakin hukumar kiyaye tsaro na kasar shi ne ya bayyana hakan ga 'yan jarida yau. Ya kuma bayyana cewa, game da wadanda aka yi garkuwa da su a sakamakon harin, har yanzu ba a san yawansu da suka mutu ko suka raunata ba.

Rundunar 'yan sandan kasar Somaliya ta sanar da cewa, ya zuwa yanzu harin boma-boman da aka kai a babban birnin kasar, Mogadishu ya haddasa rasuwar mutane a kalla guda 18 tare da raunata mutane 19.

Kungiyar Al Shabaab ta kasar Somaliya ta sanar da daukar alhakin kai wannan hari. (Zainab)