Jami'in hulda da jama'a na IRGC ya bayyana cewa, makasudin kaddamar da harin makamai masu linzamin shi ne, domin murkushe 'yan ta'adda na "Takfiri" saboda harin tagwayen bomai bomai da suka kaddamar a kwanan nan a Tehran, babban birnin kasar Iran.
Dakarun na IRGC sun harba makamai masu linzami masu matsakaici gudu ne daga lardunan Kermanshah da Kurdistan dake yammacin kasar.
Rahotanni sun bayyana cewa, harin ya yi sanadiyyar hallaka 'yan ta'adda masu yawa, tare kuma da lalata musu makamai da alburusai masu yawan gaske.
Dama dai IRGC, ta sha alwashi mayar da martani dangane da harin da 'yan ta'addan suka kaddamar a Jamhuriyar Musulunci ta Iran. (Ahmad Fagam)
