Shugaban kasar Sin Xi Jinping, ya yi kira da a kara kaimi wajen samar da kakkarfar rundunar sojin ruwa ta zamani, wadda za ta bada cikakkiyar gudummawa, ga manufar cimma burin kasar Sin ta kara bunkasa kasa mai cike da kuzari a fannin ayyukan soja.

Shugaba Xi, babban sakataren jam'iyyar kwaminis mai mulkin kasar Sin, kuma shugaban kwamitin tsakiya na hukumar zartaswar rundunar sojin kasar Sin, ya yi jan hankalin ne a Larabar nan, yayin da yake duba rundunar dakarun sojin kasar ta PLA a hedkwatar ta dake nan birnin Beijing.(Saminu Alhassan)