Wani jami'in gwamnatin Sudan ta Kudu ya tabbatar a jiya Lahadi cewa, dakaru sun kai hari kan motoci biyu masu dauke da fasinjoji dake kan hanya daga birnin Juba zuwa Bor dake jihar Jonglei ta tsakiyar kasar, wanda ya haddasa mutuwar mutane a kalla 21 tare da raunata wasu 25.

Ma'aikatar watsa labaru ta jihar Jonglei ta tabbatar da cewa, an dakatar da motocin biyu a wata tashar binciken ababan hawa da ba ta aiki a yanzu da, mutanen da suka mutu da wadanda suka raunata a sakamakon harin sun hada da mata da kananan yara.

A halin yanzu, ba a san dalilin da ya sa aka kai harin ba, hukumar da abin ya shafa tana gudanar da bincike kan batun. (Zainab)