Hukumar bunkasa ilimin kimiyya da raya al'adu ta MDD wato UNESCO ta sanar da karin wasu wurare 8 cikin jerin wuraren adana kayan tarihi na ilimin binciken kasa.
Majalisar kula da wuraren kayayyakin binciken kasa na UNESCO ne ya yanke shawarar karin, bayan kammala taronsa na farko a Torquay na Birtaniya a watan Satumban da a gabata, inda kuma kwamitin zartarwa na majalisar ya amince da shi a jiya Jumma'a.
Kasar Sin ta shiga cikin jerin wuraren da yankunanta biyu na Arxan dake jihar Mongolia ta gida, da Keketuohai na jihar Xinjiang ta kabilar Uygur, wadanda yankuna ne masu cin gashin kansu.
Da wannan karin na wurare 8, adadin wuraren ya karu zuwa 127 a kasashe 35.
Hukumar UNECSO ta ce, wuraren adana kayayyakin tarihi na binciken kasa, yankuna ne dake inganta albarkatun karkashin kasa ta hanyar shirye-shiryen al'ummomi da za su inganta ci gaba mai dorewa a yankuna. (Fa'iza Mustapha)
