Kundin jam'iyyar ya gano cewa, yanzu haka dai jama'a na kara dawowa daga rakiyar jam'iyyar, yayin da jam'iyyar ta kasa tabuka abin a zo a gani a zabukan kananan hukumomi na shekarar da ta gabata da kuma yadda jama'a ke ci gaba da sukarta.
Idan ba a manta ba jam'iyyar ANC ta rasa manyan birane kamar Johannesburg da Pretoria da mazabar Nelson Mandela Bay. Baya ga zarge-zargen da ake yi wa jam'iyyar na nuna rashin girmama mutane da cin hanci da rashawa da nuna wariya da kuma uwa uba gazawa wajen sauke nauyin da jama'a suka dora mata.
Saboda haka, ANC ta ce, muddin tana son cimma burin da ta sanya a gaba, wajibi ne ta gaggauta dawo da martabarta a idon jama'a, ta yadda za ta kasance jagorar canji. (Ibrahim Yaya)
