Shugaba Xi Jinping na kasar Sin ya yi kiran da a zurfafa alaka tsakanin fararen hula da sojoji, a wani mataki na kirkiro fasahohin kimmiya da kirkire-kirkire don inganta karfin sojojin kasar.

Xi wanda har ila shi ne babban sakataren kwamitin tsakiya na JKS kana shugaban rundunar askarawar kasar ya bayyana hakan ne lokacin da yake zantawa da wakilai daga rundunar 'yantar da jama'a ta kasar Sin (PLA) yayin taron shekara-shekara na majalisar jama'ar kasar Sin. Ya kuma bayyana cewa, ya kamata a kara himma wajen taimakawa sojojin kasar da fasahohin kimmiya da kirkire-kirkire na zamani. (Ibrahim Yaya)