A yau Laraba ne shugaba Xi Jinping na kasar Sin ya mika gaisuwa da fatan alheri ga mata, don taya su murnar ranar mata ta duniya.

Shugaba Xi wanda ya bayyana hakan a daidai lokacin da ake ci gaba da manyan tarukan biyu na kasar, ya kuma mika gaisuwa da fatan alheri ga matan dake wakilci a majalisar wakilan jama'ar kasar da masu ba da shawara kan harkokin siyasa da ma'aikata a taron shekara-shekara na majalisar wakilan jama'ar kasar da majalisar ba da shawara kan harkokin siyasa da kuma daukacin matan kungiyoyin kananan kabilu gami da sauran mata dake aiki ko zama a nan kasar Sin. (Ibrahim)