Gwamnatin Burundi ta cire haraji kan wasu kayayyakin abinci da ake shigar da su kasar, biyo bayan matsananciyar yunwa da ta addabi yankuna da dama na kasar dake gabashin nahiyar Afrika.

Kakakin gwamnatin kasar, Philippe Nzobonariba ne ya bayyana haka lokacin da yake gabatar da sakamakon taron majalisar zartaswar kasar na makon jiya.

A bara, gudumomi da dama na kasar sun fuskanci matsalar fari, al'amarin da ya yi mummunar tasiri ga yawan abincin da kasar ta sa ran samu.

A cewar Philippe Nzobonariba, nan ba da dadewa ba, za a sanar da jerin kayayyakin abincin da aka dage musu haraji. (Fa'iza Mustapha)