in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sojojin gwamnatin Iraki sun fara kai hari filin saukar jiragen saman Mosul
2017-02-23 20:07:32 cri
Yau Alhamis ne, rundunar sojan kasar Iraki ta ce, a safiyar yau ne, sojojin gwamnatin kasar suka fara kai hari a filin tashi da saukar jiragen sama dake kudu maso yammacin birnin Mosul, gami da tsohon sansanin sojojin gwamnatin wanda a yanzu haka yake hannun mayakan kungiyar IS. Kawo yanzu, an harbe mayakan IS da dama.

Wani babban jami'in soja daga hedkwatar da ke jagorantar hare-haren da sojojin ke kaiwa ya bayyana cewa, 'yan sandan gwamnatin tarayya, gami da rundunar sojojin ko-ta-kwana dake karkashin ma'aikatar harkokin cikin gidan Iraki, sun fara kai wani hari kan filin saukar jiragen saman Mosul tare da wani sansanin soja dake hannun mayakan IS.

An ce, harin da aka kai a safiyar wannan rana, shi ne matakan sojan na farko da gwamnatin Iraki za su dauka domin kwace ikon yankunan yammacin birnin Mosul daga mayakan IS. A halin yanzu, akwai mayakan IS da dama, wadanda suke kokarin janyewa daga wannan yanki zuwa tsakiyar birnin Mosul.(Murtala Zhang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China