Bisa labarin da hukumar 'yan sandan Iraki ta bayar, an ce, a jiya Alhamis, an kai harin kunar bakin wake ta hanyar boma-boman da aka dasa cikin wata mota a kusa da birnin Hilla, hedkwatar jihar Babil dake tsakiyar kasar, inda lamarin ya yi sanadiyyar mutuwar mutane kimanin 80, ciki har da 'yan kasar Iran 24.

An samu fashewar boma bomai ne a wata tashar man fetur na wani garin dake gabashin birnin Hilla. Inda wata mota mai cike da boma bomai ta fashe a wani yankin da aka kebe cikin tashar man fetur din domin jiran zuba mai cikin mota. Kasancewar akwai manyan motoci masu dauke da fasinjoji a kewayen motar a lokacin da lamarin ya faru, shi ya sa harin ya haddasa mutuwar mutane masu dimbin yawa.

Bayan abkuwar harin, kungiyar masu tsattsauran ra'ayi ta IS ta sanar da daukar alhakin kai harin.(Fatima)