in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sin da Faransa sun rattaba hannu kan wasu yarjejeniyoyin da suka shafi nukiliya da fannin kimiyya
2017-02-22 09:36:28 cri

Mahukuntan Sin da na Faransa sun amince da kulla wasu yarjejeniyoyi na hadin gwiwa, a fannin binciken kimiyya da sashen sarrafa makamashin nukiliya. An dai daddale yarjejeniyoyin ne yayin ziyarar aiki da firaministan kasar Faransa Bernard Cazeneuve ya kawo nan birnin Beijing.

A yayin taron manema labarai na hadin gwiwa da firaminstan kasar Sin Li Keqiang, Mr. Cazeneuve ya bayyana cewa, Faransa na da burin ganin ta yi aiki tare da Sin, a fannin dakile kariyar cinikayya, tare da daukar dukkanin matakan da suka dace na ciyar da kasashen biyu gaba.

Shi ma a nasa tsokaci yayin taron, firaminista Li Keqiang cewa ya yi Sin da Faransa na da kujerun dindindin a kwamitin tsaro na MDD, kuma burin Sin ne ta ga ta bude kofarta ga kowa, kana tana fatan yin mu'amala ba tare da rufa rufa ba, da kuma cimma moriyar juna.

Kaza lika tana adawa da daukar matakai na kariyar cinikayya, yayin da take goyon bayan barin kasuwa ta yi halinta tsakaninta da sauran kasashen duniya.

Har ila yau a cewar Mr. Li, Sin za ta ci gaba da rungumar yarjejeniyoyin bunkasa cinikayya na kasa da kasa, da ma wadanda take kullawa tsakanin ta da wasu sassa. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China