A jiya Lahadi ne a birnin Berne, shugaban kasar Sin Xi Jinping ya halarci bikin maraba da zuwa da membobin majalisar tarayyar Switzerland suka shirya masa.

A jawabin da ya gabatar yayin bikin, shugaba Xi ya jaddada fatansa na zurfafa hadin-gwiwa tare da kasar Switzerland daga dukkanin fannoni, da kara raya huldar abokantaka bisa manyan tsare-tsare dake tsakanin kasashen biyu. Xi ya ce, zai halarci taron shekara-shekara na dandalin tattaunawar tattalin arzikin duniya gami da ziyartar wasu kungiyoyin kasa da kasa dake kasar ta Switzerland, a wani mataki na cimma maslaha tare da bangarori daban-daban kan wasu muhimman batutuwan duniya.(Murtala Zhang)