shugaban rundunar sojin kasa ta Najeriya Laftana Janar Tukur Buratai, ya ce an kammala shirye shirye, na tura wata tawagar dakarun sojin Najeriyar su 800, wadda za ta yi aiki karkashin tawagar MDD mai aikin wanzar da zaman lafiya a yankin Darfur na kasar Sudan ko UNAMID a takaice.

Buratai ya ce sojojin sun kunshi dakaru 755 da kuma manyan jami'ai 45. Tuni kuma aka kammala ba su horo domin cimma nasarar aikin da za su gudanar yadda ya kamata a tawagar ta UNAMID. (Saminu Hassan)