Shaolin, sunan wani babban wurin ibada ne na addinin Buddah dake lardin Henan na tsakiyar kasar Sin. Duk da cewa ya kasance wurin ibada, amma bai shahara saboda dalilin addini ba. Hasali ma dai jama'a sun fi sanin wurin bisa alakar sa da wata tsohuwar makarantar koyar da wasannin Kunfu, inda a cikin sufayen wurin da yawa suka kware wajen fasahar Kunfu.

161222-wurin-ibada-da-ya-shahara-a-fannin-wasa-kunfu-Bello.m4a

Idan an nazarci tarihin wurin ibadar Shaolin, za a gano cewa wuri ne mai tarihi sosai. An ce tun shekara ta 490, wani sufi dan kasar Indiya mai suna Ba Tuo ya zo kasar Sin don yada addinin Buddah, inda sarkin Sin a lokacin ya tarbe shi da hannu biyu-biyu, ya kuma taimake shi wajen kafa wurin ibadar Shaolin a kan wani dutse mai suna Songshan.

1 2 3 4 5 6