A jiya Alhamis ne, asusun tallafawa kananan yara na MDD(UNICEF) ya bayyana cewa, tun bayan barkewar rikici a Sudan ta Kudu a cikin 'yan shekaru uku da suka wuce, sama da yara dubu 17 ne aka tilasta musu shiga aikin soja.

Alkaluman da aka fitar na nuna cewa, tun daga farkon shekarar bana, asusun na UNICEF da sauran hukumomi sun karbi yara marasa lafiya dubu 184 a Sudan ta Kudu, adadin da ya karu da kashi 50 cikin dari bisa makamancin lokaci na bara.(Fatima)