A jiya Litinin 12 ga wata, fadar shugaban kasar Amurka ta nanata cewa, gwamnatin kasar tana tsayawa tsayin daka kan bin manufar kasar Sin daya tak.
Kakakin fadar, Josh Earnest ya bayyana a gun taron manema labaru da aka shirya a wannan rana cewa, gwamnatin Amurka tana bin manufar kasar Sin daya tak. Kuma ya jaddada cewa, ko dan jam'iyyar Democratic, ko na jam'iyyar Republica ne yake rike da mulkin kasar, yana bin manufar kasar Sin daya tak. Hakan ya sa kasar Amurka ta cin gajiya sosai daga kasar Sin.(Fatima)
