A kwanan baya, an yi bikin nune-nunen wutar lantarki na yammacin Afirka (WAPIC) na shekarar 2016 a birnin Lagos na Nijeriya, inda mataimakin darektan kwamitin musamman na sakwannin wutar lantarki na hukumar injunan wutar lantarki ta Sin, Liu Jianming, da darekta Guo Feng a sha'anin yanar gizo ta kayayyaki, darektan shigar da wutar lantarki zuwa kauyuka na hukumar wutar lantarki ta Nijeriya, Abayomi Adebisi, da mista Rotimi Onanuga dake aiki a kamfanin samar da wutar lantarki na Sahara da dai sauransu sun halarci wannan biki.

Bikin nune nune na WAPIC, gaggarumin biki ne mafi girma da ake gudanar a yammacin Afirka a fannin wutar lantarki. Taken bikin a wannan karo shi ne "Ba da jagoranci kan sabon ICT, domin samar da yanar gizo ta wutar lantarki dake hada juna". Shahararrun masana a wannan fanni daga kasashen yammacin duniya sun yi shawarwari kan zamanin sauyawar sabbin fasahohi, da yadda za a yi amfani da kayayyakin ICT da hanyoyin daidaita matsaloli domin kafa yanar gizo ta wutar lantarki mai inganci dake hada juna, da zummar shigar da rayuwar jama'a cikin sabon zamanin makamashi.(Fatima)