An ba da labarin cewa, nan gaba kamfanin Tongrentang na da shirin bude kantuna biyar a biranen Johannesburg, da Pretoria, da Durban na kasar Afirka ta Kudu, domin kara ba da hidimomi ga jama'ar kasar bisa samar da magungunan gargajiyar kasar Sin.
Dangane da lamarin, kansilan hukumar kimiyya da fasaha na ofishin jakadancin Sin a kasar Afirka ta Kudu, mista Huang Wei, ya bayyana cewa, yadda aka bude reshen kamfanin Tongrentang a kasar Afirka ta Kudu, wata muhimmiyar inshara ce da ta shaida shigowar magungunan gargajiyar kasar Sin cikin nahiyar Afirka. Bisa reshen kamfanin da aka kafa a kasar Afirka ta Kudu, kamfanin Tongrentang zai sa kaimi wajen harhada magungunan gargajiyar kasar Sin da ta Afirka, tare da fadakar da jama'ar nahiyar Afirka dangane da magungunan gargajiyar kasar Sin, domin kara kawo musu alheri.(Fatima)
