Shugaban kasar Afirka ta Kudu Jacob Zuma ya bayyana cewa, a shekaru fiye da 50 da suka gabata, Sin tana samar da gudunmawa ga kasarsa, kasancewar kasashen biyu suna sada zumunci da juna. Ya nuna yabo ga kasar Sin domin tana cika alkawurranta yadda ya kamata, kuma ya ce, Sin abokiya ce da ake iya amincewa da ita.

Zuma ya bayyana hakan ne a wajen bikin raba kyautar na'urar komfuta ga makarantar firamare ta Marhulana da aka gudanar a ofishin jakadancin Sin dake kasar Afirka ta Kudu. Kana yana fatan dukkan daliban makarantar ba za su manta ba cewa, Sin tana ci gaba da taimakawa kasar Afirka ta Kudu wajen sa kaimi ga bunkasuwar tattalin arziki da kimiyya da fasaha, da nuna goyon baya ga gwamnatin kasar wajen gudanar da harkokin kasar yadda ya kamata. (Zainab)