Jiya tashar yanar gizo ta labarun dokoki ta hukumar kasar Rasha ta bayar da labarin cewa, a wannan rana shugaban kasar Vładimir Putin ya sa hannu kan dokokin tarayya, inda ya amince da yarjejeniyar hadin kai a tsakanin kasashen Rasha da Sin wajen yaki da ta'addanci, da ra'ayin kawo baraka, da na tsattsauran ra'ayi.

Mamban kwamitin kula da harkokin kasa da kasa na majalisar Duma ta kasar Sergei Zheleznyak ya ce, "ko shakka babu yaki da ta'addanci aiki ne da ya fi muhimmanci a gaban kasashen Rasha da Sin, yarjejeniyar din ta aza harsashi ga hadin kai a tsakanin kasashen biyu wajen yaki da ta'addanci ta fuskar dokoki."

An cimma wannan yarjejeniya ne a ranar 27 ga watan Satumba na shekarar 2010 a birnin Beijing. (Bilkisu)