Kakakin ma'aikatar harkokin wajen kasar Sin Geng Shuang ya bayyana a yau Litinin a taron manema labaru da aka gudanar a nan birnin Beijing cewa, Sin ta damu matuka da harin ta'addancin da aka kai a wurin Ibada dake yankin Khuzdar na jihar Balochistan ta kasar Pakistan, wanda ya haddasa mutuwa da raunatar mutane da dama, kuma Sin ta yi Allah wadai da harin.
A ranar 12 ga wannan wata ne, aka kai harin bam a wani wurin Ibada dake yankin Khuzdar a kasar Pakistan, ya zuwa yanzu harin ya haddasa mutuwar mutane fiye da 60, yayin da mutane fiye da 100 suka ji rauni. (Zainab)
