A yayin cikakken zaman taro karo na 6 na kwamitin tsakiyar jam'iyyar kwaminis ta Sin karo na 18, an tsai da kudurin cewa, za a kira cikakken zaman taron wakilan jam'iyyar kwaminis ta Sin karo na 19 a watanni 6 na karshen shekarar 2017. Wannan ya sa a kwanan baya, kwamitin tsakiyar JKS ya fidda sanarwa game da zaben wakilan da za su halarci cikakken zaman taron, inda ya tsara manufofin gudanarwa da wannan aiki a dukkan fannoni. Haka kuma, sashen tsare-tsare na kwamitin tsakiya na JKS ya shirya taro domin yin cikakken bayani kan yadda za a gudanar da wadannan ayyuka a nan gaba. (Maryam)