Bisa labarin da kafofin watsa labaru na kasar Syria suka bayar, an yi musayar wuta a gabashin birnin Aleppo da dakaru masu adawa da kungiyar masu tsattsauran ra'ayi da suke rike da yankin.
Wani hafsan sojojin gwamnatin kasar ya bayyana cewa, a yayin da ake tsagaita bude wuta na kwanaki uku, dakarun kungiyar Ahrar al-Sham guda 7 kawai sun mika wuya ga sojojin gwamnatin kasar, kana wasu fararen hula sun janye daga yankin gabashin Aleppo. Bangaren soja na kasar Syria ya zargi kungiyar masu tsattsauran ra'ayi da kawo cikas ga tsagaita bude wuta da janyewar fararen hula daga yankin.
Bangaren sojan kasar Syria ya sanar a daren ranar 19 ga wata cewa, an tsagaita bude wuta har na tsawon kwanaki 3 a Aleppo don tabbatar da janyewar dakaru masu adawa da fararen hula daga yankin gabashin birnin Aleppo. (Zainab)
