Shugaban kasar Sudan ta Kudu, Salva Kiir ya yi alkawari a ranar Laraba na ci gaba da tuhumar masu tayar da tashe tashen hankalin kabilanci. Ya bayyana cewa shi da kansa ne zai jagoranci kai tsaye da yaki da tashe tashen hankalin kabilanci idan har ma'aikatan hukumomin tsaro na kasar suka nuna gazawa wajen cafke wadannan mutane masu kisan kai. Haka kuma ya yi kira ga dukkan 'yan kasar Sudan ta Kudu da su rungumi zaman lafiya da sasantawa a cikin wannan sabuwar kasa dake nahiyar Afrika da ta yi fama da yakin basasa tun daga watan Disamban shekarar 2013. (Maman Ada)