A janhuriyar Nijar, ma'aikatar harkokin cikin gida, da tsaron jama'a, da ikon kananan hukumomi, da aikin addinai, ta sanar a ranar 15 ga wata cewa, wasu 'yan bindiga sun sace wani Baamurke a birnin Abalak dake jihar Tahoua a yammacin kasar.

A nasa bangare, gidan telabijin mallakar kasar, ya ba da labarin cewa, shugaban kasar Muhamadou Issoufou ya kira taron gaggawa na majalisar tsaron kasa a ranar Asabar, musamman domin tattauna hanyar da za a bi don warware wannan lamari. Daga bisani kuma, shugaban ya gana da jakadan kasar Amurka dake janhuriyar ta Nijar. (Bello Wang)