Babban wakilin IMF dake nan kasar Sin mista Alfred Schipke, ya bayyana a yau Litinin cewa, kasar Sin ta samu manyan nasarori a fannin gudanar da kwaskwarima kan tsarin tattalin arziki, ta kuma samu ci gaba a fannoni da dama, wanda hakan ya sanya ta shigewa gaba a duniya.

Mr. Alfred Schipke ya bayyana haka ne a yayin wani taron manema labaru da aka shirya a nan birnin Beijing, inda ya ce, bisa sabon rahoton da IMF ta fitar game da bincike kan halin da tattalin arzikin kasar Sin ke ciki, sabon shirin shekaru biyar da Sin ta tsara ya tabbatar da buri mai ma'ana, wanda ya kunshi yadda kasar ta samu babban ci gaba wajen gudanar da kwaskwarima a fannonin manufofin kudi, da raya garuruwa da dai sauran su. Baya ga haka ta yi nasara wajen daukar matakai na rage kayayyakin da ake samarwa wadanda suka wuce kima, da ma gudanar da kwakwarima kan masana'antun mallakar gwamnati da dai sauransu. (Bilkisu)