Ministan kasafin kudi da tsare-tsare na Najeriya Udoma Udo Udoma ne ya yi wannan kiran a lokacin da yake jawabi a taron dandalin tuntubar juna na masu ruwa da tsari game da yadda za a fasalta kasafin kudi na matsakaicin lokaci (MTEF) daga shekarar 2017 zuwa 2019, wanda ya gudana a birnin Lagos cibiyar kasuwancin Najeriya.
Da ya ke karin haske game da yadda za a aiwatar da dabarun kasafin kudin a zahiri, minista Udoma ya bukaci sassan masu zaman kansu da su hada kai da gwamnatin tarayya ta yadda za a aiwatar da canje-canjen da suka dace a bangaren tattalin arzikin kasar.
An shirya taron ne da nufin ilimantar da 'yan Najeriya game da manufofin gwamnati ta fuskar tattalin arziki da kuma kasafin kudin kasar na wannan shekara. (Ibrahim)
