A jiya Laraba ne cibiyar kula da harkokin yanar gizo ta kasar Sin CNNIC ta fitar da wani rahoto da ke cewa, ya zuwa watan Yuni na shekarar 2016, yawan mutanen da suke yin amfani da yanar gizo a kasar ta Sin ya kai miliyan 710, a cikin wannan adadi kuma mutane miliyan 656 suna yin amfani da wayar salula wajen shiga yanar gizo.

Rahoton ya kuma bayyana cewa, yawan mutanen da suke amfani da yanar gizo a kasar ta Sin ya kai kashi 51.7 cikin dari na al'ummar kasar, wanda ya zarce kashi 3.1 cikin dari na wannan adadi a duniya.

Bugu da kari, a sakamaon yaduwar wayar salula ta zamani, al'ummar Sinawa suna kara sha'awar yin amfani da wayar salula don shiga yanar gizo, har ma kashi 25 cikin dari na masu ziyartar yanar gizo a kasar su ke amfani da wayarsalula kawai don shiga yanar gizo. (Zainab)