Bisa wata sanarwa daga ofishin jami'in hukumar bada agaji ciki gaggawa na MDD, an ce, Stephen O'Brien, mai ba da taimako ga babban sakataren MDD wanda ke kula da harkokin samar da kayayyakin jin kai cikin gaggawa a MDD zai kai ziyarar ne daga ranar 1 zuwa 3 ga watan Augusta.
Wannan sanarwa ta ce, a lokacin ziyararsa ta kwanaki uku a kasar Sudan ta kudu, Mr. Stephen O'Brien zai gana da mutanen da rikicin Sudan ta kudun ya shafa, da jami'an gwamnatin kasar, da kuma ma'aikatan ba da agaji na kasashen waje.
Dubban fararen hula ne rikicin baya bayan nan ya raba su da gidajensu a Juba da Wau, kuma suna fama da matsalar karancin abinci da yunwa a duk fadin kasar, da kuma barkewar cutar kwalara a Juba da kuma Jonglei. (Ahmad Fagam)
