Kakakin watsa labaru na sojojin saman kasar Sin Shen Jinke ya sanar a birnin Beijing a jiya Litinin cewa, sojojin saman kasar Sin sun tura sojoji da jiragen sama ciki har da jiragen saman yaki na jefa boma-bomai samfurin 6K zuwa tekun kudancin kasar Sin don yin sintiri. Mr Shen ya bayyana cewa, sojojin saman Sin sun tabbatar da ikon mallakar kasar Sin, da tsaro da moriyar teku, da kiyaye zaman lafiya da na karko a yankin, da kuma tinkarar kalubale iri daban daban.

Shen Jinke ya yi bayani cewa, ayyukan da sojojin saman da aka tura suke gudanarwa sun hada da yin bincike ta sama, da yaki ta sama, da yin sintiri a tsibirai. Mr Shen ya kara da cewa, aikin sintirin da sojojin saman suke gudanarwa a tekun kudancin kasar Sin zai kasance aikin yau da kullum.

Shen Jinke ya bayyna cewa, sojojin saman kasar Sin sun yi aikin sintiri don sa kaimi ga raya horaswar yin yaki a kan teku, da karfin tinkarar kalubalen kiyaye tsaro, da tabbatar da ikon mallakar kasar da tsaron kasar. (Zainab)