Wasu kungiyoyin jama'a na yankin musamman na Hongkong na kasar Sin, sun ba da sanarwar nuna kiyaya kan hukuncin da aka yanke dangane da batun tekun kudancin kasar Sin, inda suka nuna goyon baya ga gwamnatin kasar Sin bisa matsayin da kasar ta dauka. A ganin wadannan kungiyoyin, wannan hukuncin da aka yanke sam ba zai yi tasiri ga ikon mallakar tekun kudancin kasar Sin da moriya a fannin teku da kasar Sin ke da su ba. Don haka, kungiyoyin dake sassa daban daban na yankin HongKong na kasar Sin sun bukaci kasashen dake nesa da yankin tekun kudancin kasar ta Sin da su daina tsoma baki kan wannan batun, da nuna girmamawa ga ikon mallakar harabar kasa da tabbatar da moriyarta kan teku na kasar Sin.(Bello Wang)