Na'ura ta biyu ta Tiangong-2 ta kasar Sin, wacce ake sa ran 'yan sama jannati biyu za su iya yin aiki da yin zama a ciki a sararin samaniya har tsawon kwanaki 30 ta riga ta isa cibiyar harba tauraron dan Adam ta kasar, wato Jiuquan Satellite Launch Center.

A sanarwar da ofishin kula da kimiyyar binciken sararin samaniyar ta kasar Sin ya gabatar, ya ce an tura na'urar gwaje gwajen ne daga birnin Beijing tun a ranar Alhamis ta jirgin kasa, kuma ta isa cibiyar a jiya Asabar, kana wannan ya nuna cewar an zo mataki na gaba na fara aiwatar da shirin harba na'urorin binciken sararin samaniyar ta Tiangong-2 da Shenzhou-11.

Sanarwar ta kara da cewar, za'a fara harhada na'urar ne da kuma gwada ta a cibiyar, kafin daga bisani a harba na'urar wanda ake sa ran gudanarwa a watan Satumba. (Ahamd Fagam)