Janar Lucky Irabor, komandan shirin aikin Lafiya Dole, ya yi wannan sanarwa a yayin wani taron manema labarai a Maiduguri, babban birnin Jihar.
Janar Irabor ya kara da cewa rundunar ta samu babban nasara a cikin wannan aiki na kakkabe yankunan daban daban na jihar.
A cewar komandan din, sojojin sun kama manyan bindigogi AK47 guda shida, harsasai, katon guda na igiyar ta da boma bomai da kuma wani kundin dake bayani kan yadda ake kera nakiyoyin dake fashewa nan take, yayin wannan hari.
Haka kuma sojojin sun tsirar da rayukan mata biyu, 'yan mata biyu da yara uku, in ji mista Irabor.
Rundunar sojojin Najeriya sun kashe 'yan ta'addan Boko Haram biyu da kuma kwato kauyuka goma sha daya daga hannun mayakan kungiyar a ranar 8 ga watan Juni, bayan sun gudanar da sintirin yaki. (Maman Ada)
