Rahotanni daga Najeriya na cewa, a yau da safe tsagerun yankin Niger Delta da ake kira "Niger Delta Avengers"sun sanar da sake fasa wani bututu mai mallakar kamfanin samar da mai na kasar wato NNPC a jihar Akwa Ibom da ke kudu maso gabashin kasar.

Wata sanarwa da kungiyar ta fitar ta ce ta fasa bututun man ne da misalin karfe 4 na safiyar yau agogon kasar.

Fasa bututun man na zuwa ne sa'o'I 72 bayan da kungiyar ta zayyana wasu ka'idoji kafin ta shiga tattaunawa da bangaren mahukuntan kasar ta Najeriya.(Ibrahim)