A daren jiya Laraba 15 ga wata, hukumar zirga-zirgar jirgin saman fasinja ta Masar ta ba da sanarwar a tashar yanar gizo cewa, wani jirgin ruwan ceto ya riga ya gano wurin tarkacen jirgin sama samfurin MS804 na kamfanin jirgin saman Masar (EA) da ya bace yake a yankin tekun Bahar Rum a ranar 19 ga watan Mayu.

Sanarwar ta jaddada cewa, yanzu ana ci gaba da yin bincike kan dalilin abkuwar hadarin, ba za a kawar da yiwuwar harin ta'addanci, matsalar fasahohi da dai sauransu ba.

A safiyar ranar 19 ga watan Mayu, jirgin saman samfurin MS804 na kamfanin EA da ya tashi daga birnin Paris zuwa Alkahira ya bace daga na'urar Radar a yayin da yake sararin yankin tekun Bahar Rum, tare da mutane 66. A ranar 20 ga watan Mayu, hukumar sojojin Masar ta sanar da cewa, masu aikin ceto sun gano wasu tarkacen jirgin saman da gawawwakin fasinjoji da kuma kayayyakinsu a yankin teku dake da tazarar kilomita 290 daga arewacin tashar ruwan Alexender ta kasar.(Fatima)