A jiya Litinin, ministan harkokin wajen kasar Rasha Sergei Lavrov ya yi shawarwari tare da takwaransa na kasar Amurka John Kerry kan yadda za su karfafa hadin gwiwar dake tsakaninsu wajen yaki da 'yan ta'adda a kasar Syria, da kuma warware rikicin kasar Ukraine da dai sauransu.

Mr. Lavrov ya jaddada cewa, ya kamata a bambanta kungiyoyi masu adawa da gwamnatin kasar Syria wadanda suke nuna amincewa da kasar Amurka da kungiyoyi masu sassaucin ra'ayi, a hali kuma wadannan kungiyoyi masu sassaucin ra'ayi su ne masu aikata laifuffukan ta'addanci.

Kaza lika, ministocin biyu sun jaddada cewa, ba za su baiwa 'yan ta'addan kasar Syria dama ba wajen shigar da kayayyakin da suke bukata daga yankin iyakar dake tsakanin Syria da Turkiya.

Daga bisani kuma, sun tattauna kan yadda za a warware rikicin Ukraine da wasu batutuwan dake shafar kasa da kasa da kuma dangantakar dake tsakanin kasashen biyu. (Maryam)