Shugaban kasar Afirka ta Kudu Jacob Zuma ya fada a ranar Asabar cewa, tattalin arzikin kasar ba ya fuskantar hadari, ganin yadda hukumomin tattalin arziki na kasa da kasa suka magance saukar da matsayin tattalin arzikin kasar.

Shugaban ya fadi haka ne yayin wani taron gangamin magoya bayan jam'iyyar ANC wanda aka shirya a filin wasan FNB dake birnin Johannesburg domin kaddamar da zabukan 'yan majalisun da za a gudanar a jihar Gauteng ta kasar. A cewar shugaban, yadda hukumar Standard & Poor (S&P) mai nuna matsayin tattalin arzikin kasashe daban daban ta yanke shawarar kiyaye matsayin kasar maimakon saukar da shi, ya nuna cewa za a iya farfado da tattalin arzikin kasar Afirka ta Kudu, idan jama'ar kasar za su yi hadin gwiwa tare.

Kafin haka kuma, Standard & Poor (S&P) ta sanar da matsayin kudaden kasar Afirka ta Kudu a ranar Jumma'a, inda ta kiyaye matsayin maimakon saukar da shi zuwa wani yanayin lalacewa.(Bello Wang)