Shugaban kasar Uganda Yoweri Museveni ya dauki alwashi a ranar Talata na farautar dukkan manyan jami'an gwamnati da cin hanci ya wa katutu, a yayin bikin kama sabon wa'adin aikinsa na shekaru biyar masu zuwa, ya jaddada cewa wannan annoba tana jinkirtar da cigaban tattalin arzikin kasa.
A cikin jawabinsa na farko kan halin da kasa take ciki tun lokacin rantsar da shi kan sabon wa'adinsa a ranar 12 ga watan Mayu, mista Museveni ya bayyana a ranar talata cewa zai yaki cin hanci kamar yadda ya kawar da rashin da'a a cikin rundunar sojojin kasar. (Maman Ada)
