Hukumar kiwon lafiya ta duniya wato WHO ta bayyana bullar cutar shawara mai tsanani a biranen kasar Angola da Congo Kinshasa, lamarin da ya yi matukar jawo hankali, tare da bukatar daukar matakan hana yaduwar cutar.

WHO ta bayyana hakan ne a jiya Alhamis, sai dai hukumar ta ce yanayin cutar ta shawara, bai kai matsayin da za a bayyana da matsalar kiwon lafiya ta al'ummar kasa da kasa mai aukuwa ba zato ba tsammani ba tukuna. (Zainab)